Саволнинг ID си: 13017
Корхонамиз чакана савдо билан шуғулланади. Кунлик қилинаётган нақд пул савдосини кечки пайт 17:00 да инкассация хизмати орқали банкка топширамиз. Лекин ундан кейин ҳам кеч соат 22:00 гача савдо қиламиз. Кун охирида кассада қолдиқ қолади. Ушбу қолдиқ кейинги кун то 17:00 гача қилинган савдо билан биргаликда инкассация хизмати орқали банкка топширилади. Назорат касса машинасига кунлик савдо, яъни эрталаб соат 9:00 дан кеч соат 22:00 гача бўлган савдолар урилгандан сўнг Z отчёт олинади. Лекин солиқ ходимлари томонидан ўрганиш бўлганда ушбу ходимлар томонидан инкассация хизмати келган вақтда Z отчёт олиниши ва кейин яна давом этиши тўғрисида айтишди.
Кун охирида кассада қолдиқ қоладиган ҳолатда кун ўртасида Z отчёт олиш мумкинми, ва агар мумкин бўлса, у ҳолда бу НКМ юритиш китобида қандай рўйхатга олинади?
Экспертларнинг жавоблари:
Z-ҳисобот ечилганда назорат касса машинасининг (НКМ) оператив хотирасига кун давомида киритилган суммалар НКМнинг фискал хотирасига ўтказилади. Бунда НКМнинг оператив хотираси ноль ҳолатига келади, яъни бўшайди. Z-ҳисобот касса сменаси тугаганида иш охирида кунига бир марта ечилгани маъқул. Чунки унда қайд этилган кўрсатикич назорат-касса дафтарида акс эттирилади (ДСҚнинг 14.12.2011 йилдаги №2011-40 қарори, АВда 09.01.2012 йил №2309). Инкассация қилиш пайтида Z-ҳисобот ечиш қонун ҳужжатларида талаб этилмайди.
Х-ҳисобот – текшириш ҳисоботидир. Қулайлик учун Х-ҳисоботни инкассация пайтида ёки исталган бошқа пайтда кассани текшириш учун ечиш мумкин.
Назорат-касса дафтарини хатосиз тўлдириш тўғрисида СБХ газетасининг 2013 йилдаги 30-сонида чиққан материал билан танишиб чиқинг:
https://gazeta.norma.uz/uz/publish/doc/text96860_nazorat-kassa_daftari_behato_tuldiramiz?paper=sbx
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Телеграм канали 