Ўзбекистон Республикаси Вазирлар Махкамасининг қарорлари асосида жамиятимизда фойдаланилмай турган объектлар очиқ танлов савдоларида сотиш белгилаб қўйилган. Ушбу объектларни сотиш мақсадида мустақил баҳоловчи ташкилот томонидан баҳоланган. Баҳолаш ҳисоботида объект қиймати бозор баҳоларида деб кўрсатиб ўтилган. Жамиятимиз ҚҚС тўловчи хисобланади. Ўзбекистон Республикаси давлат мулкини бошқариш давлат қўмитаси қарори 2006 йил 14 июнь, 01/19-20-сон билан тасдикланган 2-сонли Ўзбекистон Республикаси мулкни баҳолаш миллий стандартини тасдиқлаш тўғрисида «бозор қиймати баҳолаш базаси сифатида» тўғрисидаги стандартда "Бозор қиймати активни сотиш ёки харид қилиш билан боғлиқ харажатларни ҳисобга олмасдан, ҳеч қайси тегишли солиқларни (қўшилган қиймат солиғини ва ҳ.к.) тўлаш бўйича харажатларни қоплантирмасдан белгиланган актив қиймати деб тушунилади" деб кўрсатиб ўтилган.