Саволнинг ID си: 14314
А ташкилот чет эллик Б ташкилотдан 2015 йил 21 январда импорт шартномасига асосан қиймати 750 000 АҚШ доллар бўлган технологик ускуна харид қилди. 2017 йил 10 октябрда Ўзбекистонда Б ташкилот ва А ташкилот таъсисчилигида С қўшма корхонаси ташкил этилди. 2018 йил 16 мартда А ташкилот С ташкилот балансига қўшиб юборилди. Қўшиб юбориш санасида А ташкилотнинг Б ташкилот олдидаги 750 000 АҚШ долларли кредиторлик қарздорлиги С ташкилотга ўтказилди. Чет эллик Б ташкилот 750 000 АҚШ доллар дебиторлик қарздорликни С қўшмакорхонанинг устав фондига йўналтириш орқали С ташкилотдаги ўз улушини шакллантирди. С қўшма корхонанинг 2017-2018 йиллардаги фаолият тури кондитерлик маҳсулотларини ишлаб чиқариш бўлган. Корхона ЯСТ тўлаган. С қўшма корхона таъсисчиларининг улушлари қуйидагича: А ташкилот улуши 310 000 АҚШ доллари, Б ташкилот улуши 750 000 АҚШ доллари.
1. Б ташкилот 750 000 АҚШ доллар дебиторлик қарздорликни С қўшма корхонанинг устав фондига йўналтириш орқали С ташкилотдаги ўз улушини шакллантириши солиқ имтиёзларидан фойдаланиш мақсадида АВда 26.08.2016 йилда рўйхатга олинган 2822-сонли Низом шартларига тўғри келадими?
2.С қўшмакорхонаси 2017-2018 йилда ЯСТ бўйича СКнинг 356-моддасидаги имтиёздан фойдаланишга ҳақлими?
Экспертларнинг жавоблари:
- Йўқ, тўғрикелмайди. АВда 26.08.2016 йилда рўйхатга олинган 2822-сонли Низомдаги солиқ имтиёзларидан фойдаланиш учун бир қатор шартлар бажарилиши лозим. Шу жумладан, хорижий инвестициялар эркин алмаштириладиган валюта ёки янги замонавий технологик ускуна тарзида қўйилган бўлиши лозим (Низомнинг 3-банди). Сизнинг С қўшма корхонангизда хорижий таъсисчининг улуши дебиторлик қарздорлигини устав фондига йўналтириш орқали шакллантирилган.
- Йўқ, ҳақли эмас. СК 356-моддаси 3-қисмидаги ЯСТ базаси кўпи билан 25%га камайтирилиши шарти - янги технологик асбоб-ускуналар олишга, сифатни бошқариш тизимларини жорий этишга, маҳсулотларнинг халқаро стандартларга мувофиқлигини сертификатлаштиришдан ўтказишга, лаборатория тестлари ва синовларини ўтказиш учун комплекслар олишга маблағларнинг йўналтирилишидир. Сизнинг корхонангиз мисолида, технологик ускуна импорт қилинган, лекин ҳақи тўланмаган, яъни маблағлар йўналтирилмаган.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 