Саволнинг ID си: 14339
Пахтачилик кластери томонидан “Оқолтин дон маҳсулотлари” АЖ билан тузилган контрактация шартномасига асосан ғалла етиштириб бериш келишилган. Ҳозирги кунда ғалла етиштирилиб, шартнома шартлари ошиғи билан бажарилган. Шартномада, тайёрловчи (АЖ) етиштирилган ғаллани ташиб олиб кетиш мажбурияти тўғрисида ҳеч нарса ёзилмаган, фақат хўжалик (кластер) махсулотни ўз техникаси билан етказиб берса, ташиш ва ортиш-тушириш харажатларини қоплаб бериши кўрсатилган. Кластер ягона ер солиғи тўловчиси, товар айланмаси 1 млрд.сўмдан ошади.
Тайёрловчи томонидан харажатларни қоплаб берилиши натижасида кластерда қандай солиқ оқибатлари юзага келади?
Экспертларнинг жавоблари:
Пахтачилик кластери ғаллани ўз техникаси билан етказиб берганида, тайёрловчи ташиш ва ортиш-тушириш харажатларини кластер ҳақиқатда сарфлаган миқдорда қоплаб берса, кластерда даромад пайдо бўлмайди. Етказиб бериш харажатлари бухгалтерия ҳисобида аввал 4890 «Бошқа дебиторлар қарзлари» ҳисоб варағида йиғилади. Тайёрловчи томонидан коплаб берилганидан сўнг Дт 5110, Кт 4890 ўтказма билан акс эттирилади.
Агар сумма тайёрловчи томонидан кўпроқ миқдорда қоплаб берилса, ёки кластер сарфлаган суммаларини корхона харажатларида олиб бориб, тайёрловчи томонидан қоплаб берилганида даромад деб кўрсатса, у ҳолда кластер учун бошқа даромад келиб чиқади (СКнинг 132-моддаси). Ягона ер солиғи тўловчилар учун СКнинг 132-моддасида келтирилган бошқа даромадлар солиқ солиш объекти ҳисобланмайди. ҚҚС тўлаш мажбурияти ҳам юзага келмайди.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Телеграм канали 