Саволнинг ID си: 14372
Ишлаб чиқариш корхонасининг ҳисоб-рақамларида пул маблағлари бўлмаганлиги сабабли, корхона раҳбари ҳамда корхонага умуман алоқаси бўлмаган жисмоний шахснинг пластик карточкаси орқали Mbank дастури орқали божхона органларига божхона тўловлари учун маблағ ўтказиб берилди. Жисмоний шахслар пул маблағларини қайтариб олишмайди. Корхона умумбелгиланган солиқлар тўловчиси.
Жисмоний шахслар томонидан корхона учун божхона тўловлари қайтариб бермаслик шарти билан тўлаб берилган бўлса, ушбу жисмоний шахслар ва корхона учун қандай солиқ оқибатлари келиб чиқади?
Экспертларнинг жавоблари:
Корхона раҳбари ҳамда корхонага умуман алоқаси бўлмаган жисмоний шахснинг пластик карточкаси орқали келгусида корхона томонидан қайтарилмаслик шарти билан Mbank дастури орқали божхона органларига божхона тўловлари учун маблағ ўтказиб берилганида, ушбу тўловлар суммаси корхона учун текинга олинган мол-мулк кўринишидаги бошқа даромад ҳисобланади (СКнинг 132, 135-моддалари). Ушбу даромад суммаси фойдасолиғини ҳисоблаётганда жами даромадлар таркибида солиқ солинадиган базага киритилади (СКнинг 129-моддаси 1-қисми). Бошқа турдаги солиқлар бўйича солиқ оқибатлари келиб чиқмайди.
Жисмоний шахслар учун солиқ оқибатлари йўқ.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 