Банкдан 2016 йилда корхонамизни ўз ўрнида реконструкция қилиш ва таъмирлаш учун жами 700 миллион сўм миқдорида кредит олинган. Ушбу кредит график бўйича ўз вақтида қайтарилиб, орада 4 ой муддат кечиктириб тўлаб берилди. Лекин банк бизнинг ҳисоб рақамимиздан кечиктирилган кунлар учун пеня ва жарималар қўллаб, ортиқча маблағни ундириб олган. Корхонамиз бухгалтерияси томонидан ички аудит текшируви ўтказилиб, кредит қайтариш графигидан ташқари ортиқча маблағ олинганлиги аниқланди. Банкка ортиқча олинган маблағни қайтариб тўлаб беришини сўраб талабнома юбордик, солиштириш далолатномаси тузишни сўраб мурожаат қилсак, бизда дастурга киритилган кредитни қайтаришни, кечиктирилган кун учун пеняни компьютер ҳисоблайди, биз ҳеч нарса қила олмаймиз деб рад жавобини бермокда. Банкнинг ҳаракатлари тўғрими? Биз ушбу маблағларни ундириб олишимиз учун судга мурожаат қилдик. Судда ютиб чиқишимиз учун нималарга эътибор қаратишимиз керак?