Имтиёзлар сабабли тўлашдан озод этилган товар учун тегишли божхона тўловларини тўлашга тўғри келади.

Сизнинг фикрингизга кўра божхона тўловлари миқдорлари нотўғри белгиланган вазиятда энг мақбул йўл – товар божхона қийматига ва (ёки) божхона тўловларига тузатиш киритиш ҳисобланади. Божхона кодексининг 320-моддасига биноан тузатиш товар чиқариб юборилгандан кейин ҳам амалга оширилиши мумкин. Агар товарни декларациялашда йўл қўйилган, товар божхона қийматининг ва (ёки) божхона тўловларининг миқдорига таъсир кўрсатган техник хатолар аниқланган бўлса ёхуд божхона тўловларининг суммалари қайтарилишига ёки қўшимча тўланишига олиб келадиган ёки товарнинг божхона қиймати миқдорига таъсир кўрсатган бошқа асослар юзага келса, тузатишлар киритилади.

Товарнинг божхона қийматига ва (ёки) божхона тўловларига тузатишлар киритиш қайси товарнинг божхона қийматига ва (ёки) божхона тўловларига тузатишлар киритилаётган бўлса, фақатгина ўша товарга нисбатан амалга оширилади. Мазкур тузатишлар киритиш декларант ёки божхона брокери томонидан божхона органига товарнинг божхона қийматига ва (ёки) божхона тўловларига тузатишлар киритиш шаклини тақдим этиш орқали маълум қилинади, бу шакл божхона декларациясининг ажралмас қисми бўлиб, унинг маълумотларига товарнинг божхона қиймати ва (ёки) божхона тўловлари бўйича тузатишлар киритилади.

Ўзбекистон Республикаси божхона чегараси орқали олиб ўтиладиган товарнинг божхона қийматига ва (ёки) божхона тўловларига тузатишлар киритиш шакли, шунингдек уни тўлдириш тартиби Товарнинг божхона қийматига ва (ёки) божхона тўловларига тузатишлар киритишни тўлдириш тартиби тўғрисидаги йўриқнома* билан белгиланади.

Товарнинг божхона қийматига ва (ёки) божхона тўловларига тузатишлар киритишга маълумотларни киритиш учун Божхона юк декларациясини тўлдириш тартиби тўғрисидаги йўриқномада** келтирилган таснифлагичлар қўлланилади.

____________

* АВ томонидан 14.03.2017 йилда 2867-сон билан рўйхатдан ўтказилган.

** АВ томонидан 06.04.2016 йилда 2773-сон билан рўйхатдан ўтказилган.