Корхонамиз фаолияти – ўсимлик ёғи ишлаб чиқариш. Бугунги кунда техник чигит йўқлиги сабабли корхонамиз тўхтаб турибди. Жорий йилнинг 9 декабрь куни Когон шаҳар солиқ хизмати ходимлари корхонамизга келиб, Когон шаҳар солиқ идораси томонидан 09.12.2019 йилда чиқарилган 139-хс-сонли буйруқ билан бизларни таништиришди. Буйруққа асосан корхонамизда реализация тушуми хронометражи ўтказилилади ва солиқ инспекцияси ходимларининг бизга маълум қилишича, хронометраж қуйидаги тартибда амалга оширилади: - инспекция ходимлари электр энергияси ҳисоблагичини завод тўхтаб турган пайтдаги кўрсатгичини суратга олган ҳолда қайд этадилар; - ишлаб чиқариш бошланишидан аввал биз уларга бу ҳақида хабар берамиз; - инспекция ходимлари бир сменада қанча маҳсулот ишлаб чиқарилишини кўришади; - электр энергияси ҳисоблагичини охирги ҳолатини суратга олган ҳолда қайд этадилар. 2019 йил 15 декабрь куни бошқа корхонага давал шартномасига асосан техник чигитни қайта ишлаш режалаштирилган.