Жамиятимиз умумбелгиланган солиқларини тўловчи ҳисобланади, асосий фаолияти экспортга мўлжалланган тайёр тикувчилик маҳсулотлари ишлаб чиқаришдан иборат. Ишлаб чиқариш миқдори чет эл ҳамкорлари буюртмасига мувофиқ режалаштирилади, яъни кийимларни тикиш жараёни буюртма олингандан сўнг бошланади.Технологик жараённинг ўзига хослиги ва халқаро амалиётдан келиб чиққан ҳолда, ишлаб чиқаришдаги нуқсонлар ҳисобга олиниб, буюртма сонига нисбатан 3-5 фоиз қўшимча миқдордаги маҳсулот ишлаб чиқарилади. Шундан сўнг сифат назоратидан ўтказилади ва сараланган ҳолда экспорт қилинади. Жамият ҳисоб сиёсатига кўра, саралашдан қолган иккиламчи (брак) маҳсулотлар қиймати тўлиқ миқдорда сара маҳсулотлар таннархига киритилади ва чиқит сифатида ҳисобдан чиқарилади. Ҳосил бўлган брак маҳсулотни цехларда қайта ишлаб, ички бозорда реализация қилиш имконияти мавжуд (қайта тикиш, қисмларини алмаштириш ва ҳ.к.). Қайта ишлаш натижасида 1 дона иккиламчи маҳсулот таннархи ўртача 1500 - 2000 сўмга айланади.