Саволнинг ID си: 16089
Корхона Хитойдан маҳсулот сотиб олганида инвойс билан БЮД-да товарлар сони ва тури бўйича бир-бирдан фарқ қилиб қолмоқда. Масалан, инвойсда товар сони 10 та, БЮДда 15 та ёки инвойсда товар тури 10 хил, БЮДда 15 хил.
Инвойс билан БЮД-да товарлар сони ва тури бўйича бир-биридан фарқ қилганида корхона қайси ҳужжат асосида товарларни кирим қилиши лозим?
Экспертларнинг жавоблари:
Қайси ҳужжатда товарлар сони ва тури тўғри кўрсатилган бўлса, товар ўша ҳужжат асосида кирим қилинади. Шу билан бирга иккала ҳужжатни ўзаро мувофиқлаштириб қўйиш шарт.
Агар БЮД тўғри расмишлаштирилган бўлса, у ҳолда чет эллик хамкордан тўғри расмишлаштирилган инвойс талаб қилиш керак. Агар инвойсдаги маълумотлар тўғрию, БЮД нотўғри расмишлаштирилган бўлса, у ҳолда ушбу масалани божхона органлари билан ҳал этиб, БЮДга ўзгартириш киритиш керак.
Божхонада товарларни нотўғри декларациялаш учун маъмурий жавобгарлик кўзда тутилган (МЖТКнинг 227-22-моддаси).
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 