Меҳнат кодексининг 121-моддасига асосан байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади. Бу қоида барча ходимларга тааллуқли, яъни ходим қанча ставкада ёки сменада ишлашидан қатъи назар унинг байрам олди иш куни 1 соатга қисқаради. Агар корхонада ишлаб чиқариш узлуксиз характерга эга бўлиб, ходимнинг сменасини қисқартириш иложи бўлмаса, унда ушбу ходимга 1 соат иш вақтидан ташқари иш деб ҳисобланади ва МКнинг 157-моддасига асосан камида икки ҳисса миқдорида ҳақ тўланади.
Жавоблар улар эълон қилинган санада долзарб ҳисобланади.