Электрон ва қоғоз шаклидаги меҳнат дафтарчаларида лавозим номларини ажратиш

Саволнинг ID си: 17591
Маълумотларни ЯММТга киритишда Классификатордан керакли лавозимни танлаган ҳолда "Хизматчиларнинг асосий лавозимлари ва ишчилар касблари классификатори бўйича лавозими" графасини, шунингдек "Лавозимнинг тўлиқ номи" графасини тўлдириш лозим, ушбу гафага ташкилотда қабул қилинган лавозим номланиши киритилади. Классификаторда зарур лавозим мавжуд бўлмаса, йўриқнома бўйича ходимнинг лавозимига мазмун жиҳатидан мос келадиган лавозим танланади.Корхонанинг штат жадвалида "аудитор ёрдамчиси" лавозими мавжуд. Ушбу лавозим ходимнинг меҳнат дафтарчасида ҳам кўрсатилган. Классификаторда бундай лавозим ҳамда оддийгина "ёрдамчи" лавозими ҳам мавжуд эмас. Шунга яқин бўлган "ассистент" лавозими танланди ва "Лавозимнинг тўлиқ номи" графасида ходимнинг лавозими "аудитор ассистенти" деб кўрсатилди. Шакллантирилган меҳнат дафтарчасида энди ходимнинг лавозими "аудитор ассистенти" деб кўрсатилди.
Қоғоз шаклидаги меҳнат дафтарчасида лавозим "аудитор ёрдамчиси", электрон шаклида эса "аудитор ассистенти" деб кўрсатса хато бўлмайдими? Ёки қоғоз шаклидаги меҳнат дафтарчасига ва штат жадвалига ўзгартириш киритиш лозимми?
Экспертларнинг жавоблари:

- Кўриб чиқилаётган саволда "аудитор" сўзини асос қилиб олиш лозим (Классификаторнинг 99-сатри, ВМнинг 4.10.2017 йилдаги 795-сон қарори билан тасдиқланган Классификаторга 2-илова). "Ёрдамчи" сўзи ихтиёрий ишлатиладиган сўз ҳисобланади, бу қоидаларга мос келади ва уларда рухсат этилган (Классификаторнинг 16-банди).

Шу тариқа, сиз ЯММТда меҳнат шартномасини рўйхатдан ўтказишда, Классификатор бўйича "аудитор" ҳамда унга мазмунан мос келадиган "аудитор ёрдамчиси" лавозимларини танлашингиз лозим.

Бундай тарзда рўйхатдан ўтказишда ЯММТдаги меҳнат дафтарчасига киритилган маълумотлар ходимнинг меҳнат дафтарчасида ва ишга қабул қилиш тўғрисидаги буйруқдаги маълумотларга мос келади ва қандайдир қўшимча ўзгартиришлар киритилиши талаб этилмайди. Бунда электрон меҳнат дафтарчасига амалдаги ҳақиқий ёзувлар киритилган бўлади.

ЯММТга хато киритилган маълумотлар бекор қилиниши ва меҳнат шартномаси қайтадан рўйхатдан ўтказилиши лозим.

Хатоликни мустақил равишда бартараф эта олмасангиз, "Электрон меҳнат шартномалари ва электрон меҳнат дафтарчалари" онлайн-тизимининг қўллаб-қувватлаш тизимига +99871-200-70-30 рақами бўйича мурожаат қилинг.

 

Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган қоидаларга амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.

Экспертларнинг тушунтиришлари уларнинг шахсий фикрини акс эттиради ва Сиз уларга таяниб мустақил қарор қабул қилишингиз мумкин.




Сайт «NORMA» МЧЖ томонидан ишлаб чиқилган.

Контентни яратишда “Кадрлар бўйича маслаҳатчи” ЭМТ, «Buxgalter PRO» ЭМТ, buxgalter.uz сайти материалларидан фойдаланилган.

Сайт материалларини ресурс маъмурияти розилигисиз кўчириб олиш тақиқланади.

© «NORMA» МЧЖ, 2021–2024 й. Барча ҳуқуқлар ҳимояланган.

 
 
Яндекс.Метрика
Бориш харитаси Бориш харитаси

Манзил: Ўзбекистон, 100105,
Тошкент ш., Миробод тум., Толлимаржон кўч., 1/1.

E-mail: admin@kadrovik.uz

Call-марказ телефони: (+998)78 150-11-72