Интизомий жазо чорасини қўллашни кўриб чиқишда ходимнинг тушунтириш хатида кўрсатилган харакатларининг сабабларини рад этилганлигини ҳужжатларда акс эттириш
Интизомий жазо чорасини қўллаш тўғрисидаги буйруқда қуйидагиларни кўрсатишни тавсия этамиз:
- хатти-ҳаракат содир этилган вазият;
- тушунтириш хатида кўрсатилган сабаблар (МК 182-м.);
- тушунтириш хатида кўрсатилган ходимнинг хатти-ҳаракати сабабларини эътиборга олиш ёки рад этиш учун асослар.
Қоидага кўра, булар буйруқнинг муқаддимасида кўрсатилади ва содир этилган ножўя хатти-ҳаракатнинг қай даражада оғир эканлигини холис баҳолашга имкон беради, унга илова қилинган ҳужжатлар (рапорт, тушунтириш хати) эса бунга далил бўлади.
Шу тариқа чиқарилган буйруқ устидан шикоят қилинган ҳолларда, маъмурият томонидан далиллар бузиб кўрсатилишига имконият бўлмайди.
Жавоблар улар эълон қилинган санада долзарб ҳисобланади.