Пандемия ёки бошқа сабабларга кўра иш ҳақи сақланмаган ҳолда таътил берилганда компенсация тўлаш қонунчиликда кўзда тутилмаган. Агарда иш берувчининг ходимларни моддий қўллаб-қувватлаш мақсади бўлса, у ҳолда ўзининг молиявий имкониятларидан келиб чиқиб ва/ёки ички локал ҳужжатларда кўрсатилган тартибда моддий ёрдам пули бериши мумкин. Бунда моддий ёрдам пули бериш тўғрисида буйруқ чиқарилади. Буйруқ шакли ва матни ихтиёрий бўлади. Масалан:

 Ходимларга моддий ёрдам кўрсатиш тўғрисида

 “________” МЧЖ ходимларини карантинга оид чоралар амал қилиш даврида моддий қўллаб-қувватлаш мақсадида

 БУЮРАМАН:

1. “________” МЧЖнинг барча ходимларига (агарда барчасига бўлмаса, ходимларнинг Ф.И.Ш. кўрсатилади) уларнинг ўртача иш ҳақи (ёки меҳнатга ҳақ тўлашнинг энг кам миқдорининг 1 ёки 2 баравари) миқдорида бир марталик моддий ёрдам берилсин.

2. Бухгалтерия 2020 йил ________га қадар кўрсатилган тўловларни ўрнатилган тартибда амалга оширсин.

 Директор                                                             ______________

27.04.2020 йилдаги ПФ-5986-сон Президент Фармонига асосан 2020 йилда ходимга тўланадиган, жисмоний шахслардан олинадиган даромад солиғига тортилмайдиган моддий ёрдам суммаси меҳнатга ҳақ тўлаш энг кам миқдорининг 4,22 бараваридан 7,5 бараваригача оширилди.