Чет эллик жисмоний шахсларни карантинда сақлашда корхона учун имтиёзлар
Саволнинг ID си: 18991
Вилоятимизда янги завод очилди. Унда ишлаш учун чет элдан ишчилар олиб келинди. Корхонамиз томонидан бу ишчиларни карантинда сақлаш учун меҳмонхона хизмати кўрсатилди. Завод билан корхонамиз ўртасида тузилган шартнома туристик шартнома деб имзоланган. Ишчилар карантинда сақланган бўлса-да, бироқ шартномада карантин ҳақида ҳеч қандай банд кўрсатилмаган.
Чет элдан олиб келинган ишчиларни карантинда сақлаш учун меҳмонхона хизматлари кўрсатилганида корхонамиз учун солиқ имтиёзлари борми?
Экспертларнинг жавоблари:
Йўқ, чет элдан олиб келинган ишчиларни карантинда сақлаш учун меҳмонхона хизматлари кўрсатилганида корхона учун солиқ имтиёзлари кўзда тутилмаган.
Жойлаштириш воситалари учун (Президентнинг 2020 йил 28 майдаги №ПФ-6002 сон фармони 2-банди):
- 2020 йил 1 июндан 31 декабрга қадар фойда солиғи ставкаси белгиланган ставкага нисбатан 50 фоизга камайтирилган;
- 2020 ва 2021 йил якунлари бўйича зарарларни Солиқ кодексида назарда тутилган миқдор билан чекламаган тарзда ўтказиш ҳуқуқи берилган;
- 2021 йил 1 январгача бўлган даврда туристик (меҳмонхона) йиғимини ҳисоблаш ва тўлаш тўхтатилган.
- алкоголь маҳсулотлари билан чакана савдо қилиш ҳуқуқи учун маҳаллий йиғимни тўлашни 2021 йил 1 январгача бўлган муддатга давлат солиқ хизмати органларини хабардор қилиш ва кейинчалик уларни 12 ой мобайнида тенг қисмларда тўлаш асосида фоизсиз кечиктириш (бўлиб-бўлиб тўлаш) ҳуқуқи тақдим этилган.
Жойлаштириш воситалари ушбу имтиёзлардан яшовчилар карантинда сақланаётгани ёки одатдагидай меҳмонхона хизматларидан фойдаланганларидан қатъи назар қўлланилиши мумкин.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 