Меҳнат таътили вақтига ҳақни ҳисоблаш
Саволнинг ID си: 19095
Ходим корхонада анча йиллардан буён ишлайди. 2020 йил март ойида меҳнат таътилида бўлган. Унга меҳнат таътили учун тўлов ва моддий ёрдам берилган. 2020 йил ноябрда яна таътилга чиқди. Меҳнат таътили тўловини ҳисоблашда тўловларни бухгалтер 11 ойга бўлган. Сабаб қилиб ходим 2020 йил мартда ишламаганлиги ва меҳнат таътилида бўлганлиги кўрсатилмоқда.
Ходим йил давомида меҳнат таътилида бўлганлиги сабабли кейинги меҳнат таътили учун ўртача иш ҳақини ҳисоблашда қўшимча тўловларни 11 ойга бўлиш тўғрими?
Экспертларнинг жавоблари:
Йўқ, ходим йил давомида меҳнат таътилида бўлганлиги сабабли кейинги меҳнат таътили учун тўловни ҳисоблашда ўртача иш ҳақини ҳисоблашда қўшимча тўловларни 11 ойга бўлиш нотўғри.
Таътилга чиққан ходим корхонангизда бир неча йиллардан бери ишлар экан. Унга меҳнат татили вақтига ҳақни ҳисоблаш учун ҳисоблаб чиқариш кунидаги тарификация бўйича белгиланган иш ҳақи ёки лавозим маошига охирги 12 ойдаги мукофотлар, қўшимча тўловлар, иш ҳақига қўшимча ҳақларнинг 1/12 қисми қўшилади (ВМнинг 1997 йил 11 мартдаги 133-сон қарорига 6-илованинг 1-банди). Ходим йил давомида меҳнат таътилида бўлганлигидан қатьи назар тўлов айнан шундай ҳисобланади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 