АВда 08.05.2002 йилда 1136-сон билан рўйхатга олинган Низомнинг 10 ва 40-бандларига асосан вақтинча меҳнатга қобилиятсизлик нафақасини ҳамда хомиладорлик ва туғиш бўйича нафақани тайинлаш ва тўлаш учун фақат белгиланган тартибда берилган вақтинча меҳнатга лаёқатсизлик варақаси асос бўлади.

Меҳнатга лаёқатсизлик варақаларини бериш тартиби тўғрисидаги йўриқноманинг (рўйхат рақами 2667-сон, 17.04.2015 й.) 1 ва 2-бандларига асосан меҳнатга лаёқатсизлик варақаси шахсни ишдан озод қилиш, вақтинча меҳнатга қобилиятсизлик нафақаси ёки ҳомиладорлик ва туғиш нафақаси тўлаш учун асос бўладиган ҳужжат ҳисобланади. Меҳнатга лаёқатсизлик маълумотномаси эса шахсни ишдан (ўқишдан) озод қилиш учун асос бўладиган ҳужжат ҳисобланади. Шунга асосан меҳнатга лаёқатсизлик маълумотномаси фақат ишдан озод қилиш учун асос бўладиган ҳужжат бўлиб, унга асосан нафақа тўланмайди.

Табийки, агар бошқа мамлакатлар томонидан меҳнатга лаёқатсизлик варақалари берилса, улар бўйича тўлаш мумкинми, деган савол туғилади. Ушбу савол бўйича давлат органларига мурожаат юборилган. Улардан жавоб олингандан кейин қўшимча равишда жойлаштирилади.