Саволнинг ID си: 19248
Маълумки, меҳнат дафтарчаларидан воз кечилиб, электрон шаклга ўтилди. Меҳнат бўлимидан келиб, ташкилотимиз кадрлар бўлими мутахассисига меҳнат дафтарчасини электрон базага киритиш айтилиб, ўргатиб ҳам кетилган. Лекин ҳали-ҳануз бу борада умуман ҳеч қандай иш қилинмади.
Қонунга кўра кадрлар бўлими мутахассисига чора кўриладими мана шу ишга бепарво қараганлиги учун?
Экспертларнинг жавоблари:
Ҳа, бунинг учун жавобгарлик қўлланилиши мумкин.
05.12.2019 йилдаги 971-сон ВМҚга 1-илованинг 60 ва 61-бандларига кўра, меҳнат шартномаларини рўйхатга олиш, ходимларнинг электрон меҳнат дафтарчаларини шакллантириш ва юритиш тартибининг ижро этилиши бўйича жавобгарлик иш берувчиларга юкланган. Ушбу талаблар бузилишида айбдор бўлган шахслар қонун ҳужжатларида белгиланган тартибда жавоб беради.
Мазкур ҳолатда МЖтКнинг 49-моддасига асосан корхона раҳбарига жарима солиниши мумкин.
Кадр бўлими мутахассиси зиммасига мазкур вазифани юклаш ҳақида локал ҳужжат (буйруқ ёки лавозим йўриқномаси) мавжуд бўлган тақдирда унга нисбатан Меҳнат кодексининг 181-моддасида назарда тутилган интизомий жазо чоралари кўрилиши мумкин.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 