Хомиладорлик ва туғиш бўйича нафақа тўлаш
Ҳа, болани 2 (ёки 3) ёшгача парваришлаш таътилидаги ходима шу даврда яна хомиладор бўлса, унга хомиладорлик ва туғиш бўйича нафақа тўланади. Иш даврида 12 ойдан кўпроқ танаффус бўлганлиги сабабли ушбу нафақа ходима ўртача ойлик иш ҳақининг 75 фоизи миқдорида белгиланади (Президентнинг 27.12.2016 йилдаги №ПҚ-2699-сон қарори 23-банди).
Ходима ушбу даврда узрли сабабларга кўра иш ҳақига эга эмас. Бунда қонун ҳужжатларига мувофиқ иш ҳақидан нафақа ҳисоблаб чиқарилиши лозим бўлган ҳолларда нафақа тариф ставкаси (лавозим маоши) ва мукофотларнинг ўртача ойлик суммасидан келиб чиққан ҳолда ҳисоблаб чиқарилиши лозим. Бунда тариф ставкаси ёки энг кам иш ҳақи туман коэффициенти ва устамалар белгиланган жойларда ишлаганлик учун бериладиган устамаларни ҳисобга олган ҳолда асос қилиб олинади (АВда 2002 йил 8 майда 1136-сон билан рўйхатга олинган Низомнинг 58-моддаси).
Жавоблар улар эълон қилинган санада долзарб ҳисобланади.