Саволнинг ID си: 20218
Ходим 05.08.2020 йилдан бошлаб болани 2 ёшгача парваришлаш таътилида. Ташкилотимиз жамоа шартномасига асосан ходимга болани 2 ёшгача парваришлаш нафақаси тайинланган ва тўлаб келинмоқда. Ушбу ходим 19.07.2021 йилда ҳомиладорлик ва туғиш бўйича навбатдаги меҳнатга лаёқатсизлик варақасини тақдим этди.
Ходим болани 2 ёшгача парваришлаш таътилида бўлган даврда навбатдаги ҳомиладорлик ва туғиш бўйича нафақа тўланадими? Агар тўланса, болани 2 ёшгача парваришлаш нафақаси бекор қилинадими?
Экспертларнинг жавоблари:
Ходим болани парваришлаш таътилида бўлган вақтда ҳомиладорлик ва туғиш бўйича таътил берилганда, таътилнинг вақтинча меҳнатга лаёқатсизлик варақасида кўрсатилган барча кунлари учун ҳомиладорлик ва туғиш бўйича нафақа олиш ҳуқуқи пайдо бўлади (АВда 08.05.2002 йилда 1136-сон билан рўйхатга олинган Низомнинг 46-б.). Лекин болани 2 ёшга тўлгунга қадар парваришлаш таътили даврида онанинг иккинчи бола учун ҳомиладорлик ва туғиш таътилига чиқиш ҳуқуқи бўлса, онанинг хоҳишига кўра шу давр учун икки нафақадан биттаси тўланади (АВда 14.03.2002 йилда 1113-сон билан рўйхатга олинган Низомнинг 4-б.). Шунга кўра ходимингиз меҳнатга лаёқатсизлик варақасида кўрсатилган давр учун иккита нафақадан биттасини танлаши керак бўлади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 