Ҳа, вақтинчалик меҳнат жамоасини тузиш мумкин. “Вақтинчалик меҳнат жамоаси” тушунчаси асосан жамиятда ишлатилади. Лекин айрим ҳолларда, жуда кам бўлса-да, норматив ҳужжатларда ҳам учраб туради. Бундай норматив ҳужжатлар асосан маълум бир лойиҳани амалга оширишга қаратилган бўлади (масалан: ВМнинг 05.06.2020 й. 359-сонли қарори 7-б., 23.02.2021 й. ПҚ-5000-сонли Президент қарори 4-б.). Маълум ҳажмдаги ишларни бажариш ёки бирон бир лойиҳани амалга ошириш зарур бўлганда фақат шу ишларни амалга ошириш учун вақтинча жалб қилинган мутахассислардан иборат жамоа (гуруҳ, бригада) вақтинчалик меҳнат жамоаси дейилади. Вақтинча меҳнат жамоасини тузиш, унга жалб этилган мутахассислар билан шартнома тузиш тартиби қонунчиликда алоҳида кўрсатилмаган. Вақтинчалик меҳнат жамоасини тузаётганда унга жалб қилинаётган мутахассислар билан муайан ишни бажариш вақтига муддатли меҳнат шартномасини (МК 75-м.) (шу жумладан ўриндошлик асосида) ёки фуқаролик-ҳуқуқий шартномасини тузса бўлади. Бундай жамоага корхонада ишлаётган ходимларни ички ўриндошлик ёки вақтинча бошқа ишга ўтказиш асосида ҳам жалб этиш мумкин.