ДМнинг валюта курсидан даромадларига солиқ солиш
1.Бухгалтерия ҳисобида мажбуриятлар деганда кредиторлик қарзлари тушунилади (Молиявий ҳисоботни тайёрлаш ва тақдим этиш учун Концептуал асоснинг 46-49-бандлари). Норезидентнинг Ўзбекистон Республикасидаги доимий муассасаси турли хил сабабларга кўра шу норезидентнинг бош офиси ёки бошқа тузилмавий бўлинмалари олдида кредиторлик қарзлари бўлиши мумкин. СК 347-моддаси 7-қисмида бухгалтерия ҳисобида шундай кредиторлик қарзлари бўйича юзага келадиган курсга оид фарқлар фойда солиғи солиш мақсадида доимий муассасанинг даромадлари (харажатлари) жумласига киритилмаслиги айтилган.
СК 347-моддаси 7-қисмидаги норманинг ДМнинг бош офис ёки бошқа тузилмавий бўлинмалар олдидаги дебиторлик қарзларига алоқаси йўқ.
2.Фаолиятини доимий муассаса орқали амалга ошираётган норезидентнинг даромадларидан солиқни ҳисоблаб чиқариш ва тўлаш СК 49-бобида назарда тутилган ўзига хос хусусиятларни ҳисобга олган ҳолда, СКнинг 43-47-бобларида белгиланган тартибда мазкур норезидент томонидан мустақил равишда амалга оширилади (СК 347-моддаси 1-қисми). СК 43-47-бобларига 297-342-моддалар киради.
Курсдаги фарқларга солиқ солишнинг ўзига хос хусусиятлари СКнинг 320-моддасида белгиланган. Курсдаги ижобий фарқ жами даромад таркибига, курсдаги салбий фарқ - харажатлар таркибига киритилади (СК 320-м. 4-қ., 297-м. 3-қ. 18-б.). ДМнинг банкдаги валюта счетидаги пул маблағлари бўйича юзага келган курс фарқлари кўринишидаги даромадлари ДМнинг солиққа тортиладиган даромадлари таркибига киритилади.
Берилган (олинган) бўнакларни қайта баҳолашдан юзага келадиган курсдаги ижобий (салбий) фарқ солиқ солиш мақсадларида ҳисобга олинмайди (СК 320-моддаси 5-қисми).
ДМнинг валюта курси фарқидан даромадлари фойда солиғи ҳисоб-китобида жами даромадлар таркибида кўрсатилади.
Жавоблар улар эълон қилинган санада долзарб ҳисобланади.