Мен 2019 йилда акамнинг ўғлидан унга тегишли бўлган корхонадаги улушнинг бир қисмини ҳадя сифатида олганман. Ўша даврда амалда бўлган Солиқ кодексининг 179-моддаси 15 ва 32-бандларидаги имтиёзни қўллаган ҳолда ЖШДС тўламаганман. Шунингдек, 2011 йил 9 июндаги “Солиқ ва божхона хабарлари” рўзномасининг 24-сонида ўша даврда Молия вазирлиги солиқ сиёсати бошқармасининг бевосида ва маҳаллий солиқлар бўлими бошлиғи бўлган Дилшод Султоновнинг ушбу вазиятда ўша вақтда амалда бўлган Солиқ кодекси 179-моддаси 15-банди бўйича имтиёз қўлланилади деб ёзган жавоби бор. Лекин солиқ органи 2021 йилда менга талабнома юбориб, ушбу даромаддан солиқ тўлашни талаб қилди. Мен солиқ органига имтиёз қўллаш ҳуқуким борлигини кўрсатиб жавоб ёздим, солиқ органи эса менга ҳеч қандай жавоб бермасдан, солиқ қарзини мажбурий ундириш тўғрисида фуқаролик судига даъво аризасини киритган.