Барча фуқаролар меҳнат ҳуқуқларига эга бўлиш ва улардан фойдаланишда тенг имкониятларга эгадир. Жинси, ёши, ирқи, миллати, тили, ижтимоий келиб чиқиши, мулкий ҳолати ва мансаб-мавқеи, динга бўлган муносабати, эътиқоди, жамоат бирлашмаларига мансублиги, шунингдек ходимларнинг ишчанлик қобилиятларига ва улар меҳнатининг натижаларига алоқадор бўлмаган бошқа жиҳатларига қараб меҳнатга оид муносабатлар соҳасида ҳар қандай чеклашларга ёки имтиёзлар белгилашга йўл қўйилмайди ва булар камситиш деб ҳисобланади (МК 6-моддаси).

Агар ходимларнинг ишчанлик қобилияти ва меҳнатининг натижалари турлича бўлса, яъни бири бошқасидан яхшироқ ишласа, кўпроқ иш бажарса, иши сифатлироқ бўлса, бундай ходимга кўпроқ иш ҳақи ҳисоблаш мақсадга мувофиқ.