Вафот этган ходимнинг ўртача йиллик иш ҳақининг олти бараварини ҳисоблаш тартиби
Ишлаб чиқаришдаги бахтсиз ҳодиса ёки касб касаллиги оқибатида ходим вафот этган тақдирда, зарарнинг ўрни қопланиши ҳуқуқига эга бўлган шахсларга боқувчининг вафоти билан боғлиқ ҳолда етказилган зарарнинг ўрнини қоплаш учун қонунчиликда белгиланган тартибда ҳар ойлик тўловлар амалга оширилади, шунингдек вафот этган ходимнинг ўртача йиллик иш ҳақининг олти бараваридан кам бўлмаган миқдорда бир йўла бериладиган нафақа тўланади ва дафн этиш харажатларининг ўрни қопланади ("Меҳнатни муҳофаза қилиш тўғрисида"ги Қонун 33-м. 3-қ.).
Вафот этган ходимнинг ўртача йиллик иш ҳақининг олти бараваридан кам бўлмаган миқдорда бир йўла бериладиган нафақани ҳисоблаш тартиби Ходимларга уларнинг меҳнат вазифаларини бажариш билан боғлиқ ҳолда жароҳатланиши, касб касалликларига чалиниши ёки саломатликнинг бошқа хил шикастланиши туфайли етказилган зарарни тўлаш қоидалари билан белгиланган (ВМнинг 11.02.2005 й. 60-сон қарорига 1-илова).
Олтита ўртача йиллик иш ҳақининг миқдори мазкур Қоидаларнинг 14 ва 15-бандларига мувофиқ ҳисоблаб чиқилган вафот этганнинг ўртача ойлик иш ҳақи (даромади)ни 72 га кўпайтириш йўли билан аниқланади (Қоидалар 29-б.).
Мавзуга оид материал:
https://kadrovik.uz/question/7596 .
Жавоблар улар эълон қилинган санада долзарб ҳисобланади.