15 кун ишлаб бўшаган ходимга компенсация тўлаш
Фойдаланилмаган таътил учун компенсацияни таътил пулларини ҳисоблагандек ҳисобланади.
Агар ходим 15 кундан кам ишлаб, ишдан бўшаган бўлса, Меҳнат кодексининг 224-моддасига биноан ҳисобга олинмайди ва фойдаланилмаган таътил учун компенсация тўланмайди.
Агар ходим 15 ва ундан кўп кун ишлаб, ишдан бўшаган бўлса, 1 ой деб яхлитланади.
Ҳар йилги асосий энг кам меҳнат таътилининг давомийлиги йигирма бир календарь кунни ташкил этади (МК 217-м.)
Қонунчиликда белгиланганидан ташқари, ҳар йилги асосий узайтирилган таътиллар бериш, шунингдек ҳар йилги асосий узайтирилган таътилнинг давомийлигини унинг қонунчилик билан кафолатланган давомийлигига нисбатан кўпайтириш жамоа келишувларида, шунингдек жамоа шартномасида, ички ҳужжатларда, меҳнат шартномасида назарда тутилиши мумкин (СК 218-м.)
Мисол учун, сизнинг корхонада меҳнат таътили давомийлиги мехнат шартномаси ва ички хужжатларга асосан 21 календарь кун деб белгиланган. Ходимга 1 ой учун фойдаланилмаган таътил учун компенсация тўлаш керак. 21 / 12 = 1,75, демак 2 кун учун компенсация тўланади.
Жавоблар улар эълон қилинган санада долзарб ҳисобланади.