Олий ва ўрта махсус, касб-ҳунар таълими ташкилотларида кечки ёки сиртқи таълим шакли бўйича ўқиётган ходимларга лаборатория-имтиҳон сессияларида иштирок этган давр учун иш ҳақи сақланган ҳолда ўқув таътиллари берилади (МК 385-м.). Лекин бундай кафолатлар ходимларга биринчи марта тегишли даражадаги таълим олаётганда берилади (МК 386-м.). Яъни, мисол учун, олий таълим муассасасини бакалавриат даражасида ўқиб тугатган ходим иккинчи мутахассисликка ўша ёки бошқа олий таълим муассасасида бакалавриатда ўқиётган ходимга ўрнатилган кафолатлар берилмайди ва иш ҳақи сақланмаган ҳолда таътил берилади.  Корхонадаги ички ҳужжатларга, иш берувчи ва ходим ўртасида тузилган меҳнат шартномаси ёки алоҳида келишувга мувофиқ таълим олишга иш берувчи томонидан юборилган ходимларга иш ҳақи сақланган ҳолда таътил берилиши мумкин.