Ҳа, бу ҳолатда меҳнат шартномасини бекор қилса бўлади. Технологиянинг, ишлаб чиқариш ва меҳнатни ташкил этишнинг ўзгариши, ишлар (маҳсулот, хизматлар) ҳажмининг қисқариши билан боғлиқ бўлган ходимлари сонининг ёки штатининг ўзгарганлиги сабабли иш берувчининг ташаббусига кўра меҳнат шартномасини бекор қилишга сабаб бўлади (МК 161-м.). Иш берувчи ўзининг меҳнат шартномасини бекор қилиш нияти ҳақида ходимни камида 2 ой олдин ёзма шаклда (имзо қўйдириб) огоҳлантириши ёки огоҳлантириш муддатининг давомийлигига мувофиқ келадиган пулли компенсация билан алмаштириш керак (МК 165-м.). Шунингдек, огоҳлантириш ўрнига тўланадиган компенсациядан ташқари ишдан бўшатиш нафақаси тўланади (МК 173-м.). Бундан ташқари, ходим ишдан бўшатилгандан кейин иш қидириш даврида (янги иш топгунга қадар) унга 2 ойгача ўртача ойлик иш ҳақи миқдорида тўлаб борилади.
Иш берувчи юқоридаги асос билан бўшатилган ходимларни, меҳнат шартномаси бекор қилинган кундан эътиборан 6 ой ичида ташкилотда ходим илгари эгаллаган ўша мутахассислик ва малака бўйича бўш (вакант) иш ўринлари пайдо бўлган бўлса, ишга қабул қилиши шарт (МК 102-м. 7-қ.).
Жавоблар улар эълон қилинган санада долзарб ҳисобланади.