Ойлик иш ҳақини ўз вақтида тўламаса, нима бўлади
1. Ҳа, ходимларга йил давомида ҳисобланган иш ҳақини 2023 йилнинг декабрь ойида бир мартада тўлаб берсангиз бўлади. Ходимларга тўланмаган ойлик иш ҳақи пулларини зудлик билан тўлаб беришингиз лозим.
2. Корхонангиз ойлик иш ҳақини ҳисоблаган ва улар бўйича солиқларни ҳам тўлаган. Ойлик иш ҳақини тўлашни тўхтатиб туришнинг ўзигина қўшимча солиқ оқибатларини келиб чиқмайди. Бу ҳолатда корхона ва унинг мансабдор шахсларига молиявий жарималар солиниши мумкин.
Корхона молиявий ҳолатидан қатъий назар, ходимларнинг ойлик иш ҳақини вақтида тўлаб бериши шарт. Ходимларга иш ҳақи тўлаш муддатлари жамоа шартномасида ёки ички ҳужжатда, улар мавжуд бўлмаганда эса меҳнат шартномасида шарт қилиб кўрсатилган муддатларда белгиланади ва ҳар ярим ойда бир мартадан кам бўлиши мумкин эмас (МК 253-м. 1-қ.). Иш берувчи иш ҳақини тўлаш кечиктирилганлиги учун ходим олдида Меҳнат кодексининг 333-моддасида белгиланган миқдорда моддий жавобгар бўлади (МК 253-м. 6-қ.).
Иш берувчи иш ҳақини, таътил тўловларини, меҳнат шартномаси бекор қилингандаги тўловларни ва (ёки) ходимга тўланиши лозим бўлган бошқа тўловларни тўлаш муддатини бузган тақдирда, уларни тўлов муддатидан кейинги кундан эътиборан то ҳақиқатда ҳисоб-китоб қилинган кунни ўз ичига олган муддатгача ҳар бир кечиктирилган кун учун Ўзбекистон Республикаси Марказий банкининг ўша вақтда амалда бўлган қайта молиялаштириш ставкасидан келиб чиққан ҳолда фоизлар (пулли компенсация) билан бирга тўлаши шарт. Ходимга тўланиши лозим бўлган пулли компенсациянинг миқдори Ўзбекистон Республикаси Марказий банки қайта молиялаш ставкасининг ўн фоизи миқдорида белгиланади. Мазкур пулли компенсацияни тўлаш мажбурияти иш берувчининг ойлик иш ҳақини ёки ходимга тўланиши лозим бўлган бошқа тўловларни тўлашнинг кечиктирилишида айби бор-йўқлигидан қатъи назар юзага келади (МК 333-м.).
Сизнинг вазиятингизда иш ҳақи вақтида тўланмаганлигида корхонанинг айби бор. Демак, ушбу компенсация тўлови иқтисодий жиҳатдан оқланган харажат ҳисобланмайди ва фойда солиғи бўйича солиқ базасини аниқлашда чегирилмайди (СК 305-м. 1-5-қ.).
Жавоблар улар эълон қилинган санада долзарб ҳисобланади.