Жамиятимизнинг асосий фаолияти ишлаб чиқариш ҳисобланиб, жамиятда 1100 нафар ишчи-хизматчи ишлаб келади. Жамиятдаги тасдиқланган "Жамоа шартномаси"га асосан иш берувчи томонидан ушбу ишчиларга бир маҳал иссиқ овқат билан таъминлаб бериш мажбурияти мавжуд. Жамиятда маҳсус ошхона мавжуд бўлиб, "аутсорс" шартномаси асосида пудратчига ижарага берилган. Пудратчи томонидан ишчиларга иссиқ овқат тайёрланади. Иккала корхона ҳам ҚҚС тўловчиси. Ой якуни билан пудратчи ўз хизматига ЭҲФ юборади. ҚҚС жамиятда ҳисобга олинади. Солиқ ҳисоботда ҳам кирувчи ЭҲФлар орасига автоматик тушади. Солиқ органи ушбу ЭҲФлар бўйича ҚҚС суммасини "ҳисобга олинадиган" (зачет) ҳисобидан чиқариб ташлашимизни сўрамокда.