Жамият йилнинг ҳар чорагида, ярим йилда бир марта ёки бир йилда бир марта ўзининг соф фойдасини жамият иштирокчилари ўртасида тақсимлаш тўғрисида қарор қабул қилишга ҳақлидир (ЎзРнинг 06.12.2001 йилдаги 310-II-сон Қонуни, 25-модда).

Солиқ тўловчи солиқлар ва бошқа мажбурий тўловлар бўйича имтиёзлардан тегишли ҳуқуқий асослар вужудга келган пайтдан эътиборан улар амал қиладиган бутун давр мобайнида фойдаланишга ҳақли (СКнинг 30-моддаси).

Сизда Солиқ Кодексининг 179-моддаси, 6-банди бўйича имтиёздан фойдаланиш ҳуқуқи  2015 йилнинг июль ойида, яъни МЧЖ хусусий корхонага қайта ташкил этилганда вужудга келган.  Шунинг учун, 2014 йил ва 2015 йилнинг 1-ярми учун ҳисоблаб ёзилган дивидендлардан белгиланган тартибда 10% ставка бўйича дивиденд солиғи тўлашингиз керак.