Ўзбекистон Республикаси халқ хўжалиги тармоқларининг умумдавлат таснифлагичи (ХХТУТ) бўйича «Ип газлама саноати» тармоғига 17116-сон хос рақами берилган бўлиб, улар жумласига тўқимачилик ва трикотаж саноати учун йигирилган ип, хом ва тайёр ип газламалар, техник газламаларни (бельтинг, узатма қайишлари, ёнғин қўлқоплари ва шу кабилар) қўшган ҳолда момиқ, пахтали ватин, иплар ва бошқаларни ишлаб чиқарувчи корхоналар киради.
«Тўғридан-тўғри хусусий хорижий инвестицияларни жалб қилувчи корхоналар учун солиқ имтиёзларини қўллаш тартиби тўғрисида»ги Низомда, солиқ имтиёзига эга бўлган корхоналар жумласига ХХТУТ бўйича 17116-сон хос рақамига эга бўлган, тайёр ип газлама ишлаб чиқариш билан шуғулланадиган корхоналар ҳам киритилган. Лекин шу билан бирга, ушбу тармоқдаги ХХТУТ бўйича 17116-хос рақамига эга бўлиб, йигирилган ип, иплар, момиқ ва техник газламалар ишлаб чиқарувчи корхоналарга солиқ имтиёзи берилмаган (11.01.2012 йилда 2312-сон билан рўйхатдан ўтказилган, бундан буён матнда 2312-сон Низом деб юритилади).
Демак, корхоналар фақат тайёр ип газлама ишлаб чиқарган тақдирда ягона солиқ тўлови бўйича имтиёзга эга бўлади. Фикримизча, 2312-сон Низомга биноан пахта толасидан тиббий момиқ, дока ва бинт ишлаб чиқарадиган корхоналарга солиқ имтиёзлари татбиқ этилмайди.
Жавоблар улар эълон қилинган санада долзарб ҳисобланади.