Ижодий таътиллар бериш ва уларнинг муддати ВМнинг 11.03.1997 йилдаги 133-сон қарорига 7-иловада белгиланган.

Ижодий таътиллар асосий иш жойларидаги ўртача ойлик иш ҳақлари ва лавозимлари сақланган ҳолда берилади.

Ўртача ойлик иш ҳақини ҳисоблаш тартиби ВМнинг 11.03.1997 йилдаги 133-сон қарорига 6-илованинг 1-бандига асосан  белгиланади.

Ўртача ойлик иш ҳақи ҳисоблаб чиқариш кунидаги тарификация бўйича белгиланган иш ҳақи ёки лавозим маошидан келиб чиққан ҳолда тарификация бўйича иш ҳақи ёки лавозим маошидан ошган суммани ўн иккидан бирга (биринчи йил ишловчиларга: олти ой тўлиқ ишлаганларга олтидан бирга; етти ой тўлиқ ишлаганларга еттидан бирга ва ҳоказолар) оширган ҳолда ҳисоблаб чиқарилади.

Ўртача иш ҳақини ҳисоблашда СКнинг 172-моддасига биноан ягона ижтимоий тўлов ва суғурта бадаллари солинадиган фуқароларнинг меҳнатга ҳақ тўлаш тарзидаги даромадлари ҳисобга олинади.

Ўртача кунлик иш ҳақи ўртача ойлик иш ҳақини 25,4 га бўлиш билан аниқланади;

Таътил пули суммаси ўртача кунлик иш ҳақини таътилнинг иш кунларига кўпайтириш билан ҳисобланади.

Даромадларнинг бу тури жисмоний шахслардан олинадиган даромад солиғига тортилади, улардан мажбурий суғурта бадаллари ушлаб қолинади ва ягона ижтимоий тўлов солинади.

Ҳисоблаб ёзилган суммадан 1 фоиз миқдорида ажратма бюджетга тўланадиган жисмоний шахслардан олинадиган  даромад солиғи суммаси ҳисобидан ходимларнинг шахсий жамғариб бориладиган пенсия ҳисобварақларига (ШЖБПҲ) ўтказилади.