Саволнинг ID си: 5963
Мен поликлиникада врач невролог бўлиб ишлайман. Яшаш жойимда реаниматолог врач етишмаслиги туфайли мени Шахар соғлиқни сақлаш бош шифокори хати орқали ўқишга юборишди. Ўқиш пулини ўзим тўладим. Улар поликлиникадаги ўртача иш хаққим сақланиши билдирдилар.
Саволим шуки, ўқишга жўнатилган ходимнинг ўртача иш хаққидан даромад солиғи ушланадими?
Экспертларнинг жавоблари:
Иш берувчи ва меҳнат жамоаси манфаатларига доир вазифаларни бажариш (малака ошириш) мақсадида ходимни ишдан озод этиш шартлари, шунингдек ана шу давр учун тўланадиган кафолатли тўловлар миқдори жамоа шартномаларида белгилаб қўйилади, лекин бу тўлов миқдори ўртача иш ҳақидан кам бўлмаслиги керак (Меҳнат кодексининг 166-моддаси).
Солиқ кодексининг 175-моддаси 7-бандига мувофиқ, ходимларига кадрларни қайта тайёрлаш ва малакасини ошириш тизимида ишдан ажралган ҳолда ўқишлари вақтида асосий иш жойи бўйича уларга тўланадиган иш ҳақи ишланмаган вақт учун ҳақ тўлаш тарзидаги даромадга киритилиб, у жисмоний шахсларнинг даромадларига солинадиган солиққа, Пенсия жамғармасига суғурта бадаллари ва ягона ижтимоий тўловга тортилади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 