Солиқ кодексининг 171 – моддаси иккинчи қисм 2 – бандига мувофиқ, касаба уюшмаси қўмитаси томонидан амалга ошириладиган тўловлар (шу жумладан моддий ёрдам) аъзолик бадаллари ҳисобидан касаба уюшмаси аъзоларига берилганда жисмоний шахсларнинг даромади сифатида қаралмайди.
Агар ходим касаба уюшмасининг штат ходими бўлса, яъни улар асосий ишдан озод этилган бўлсалар, улар ва касаба уюшмаси ўртасида меҳнат шартномаси тузилган бўлса, улар ўз меҳнат вазифаларини бажарсалар ва тегишли даромадларни олсалар, у ҳолда Солиқ кодексининг 171 – моддаси иккинчи қисм 2 – бандидаги нормалар уларга тадбиқ этилмайди. Улар томонидан ўз меҳнат вазифаларини бажарганликлари учун олинган даромадлар (шу жумладан, мукофот, устама ва бошқалар) иш ҳақи тарзидаги даромадлар (Солиқ кодексининг 172ғмоддаси) ёки бошқа даромадлар (Солиқ кодексининг 178ғмоддаси) дея эътироф этилади ҳамда белгиланган тартибда жисмоний шахслардан олинадиган даромад солиғи, суғурта бадаллари ушлаб қолинади ва ягона ижтимоий тўловлар ҳисобланади.
Касаба уюшмаси бюджети фойдаланиш тартиби касаба уюшмалари уставида белгилаб берилади (Ўзбекистон Республикасининг 02.07.1992 й. 638-ХII-сон "Касаба уюшмалари, уларнинг ҳуқуқлари ва фаолиятининг кафолатлари тўғрисида"ги Қонунининг 21-моддаси)
Шу тариқа, агар касаба уюшмалари уставида қўшимча тўловлар назарда тутилган бўлса, ва улар касаба уюшмасининг асосий ишдан озод этилмаган ихтиёрий аъзоларига аъзолик бадаллари ҳисобидан тўланса, улар жисмоний шахслардан олинадиган даромад солиғи, суғурта бадаллари ва ягона ижтимоий тўлов учун солиқ объекти бўлиб ҳисобланмайди.
Жавоблар улар эълон қилинган санада долзарб ҳисобланади.