Саволнинг ID си: 6117
Ҳисоб сиёсатига асосан 2009 йилда корхонада амортизациянинг эскириш нормаси гуруҳлар бўйича ўрнатилган фоиз нормаларига асосан ҳисоблаб чиқарилган. 2010 йилда эса ҳисоб сиёсати ўзгаради ва амортизация барча асосий воситалар учун йиллик 2% бўйича ҳисоблаб чиқариш бошланади.
Корхонада амортизация нормалари пасайишини қандай тўғри расмийлаштириш (ҳисоб сиёсатида акс эттириш) мумкин?
Экспертларнинг жавоблари:
ЎзР СКнинг 144-моддасига биноан амортизацияни Солиқ кодексида белгиланганидан пастроқ нормалар бўйича ҳисоблашга йўл қўйилади.
Бундай ўзгартиришлар корхона ҳисоб сиёсатида акс эттирилиши керак.
1-сон БҲМСнинг 55-моддасига кўра ҳисоб сиёсатида ўзгаришлар янги йилдан жорий қилинади ва хўжалик юритувчи субъект раҳбарининг тегишли ташкилий-фармойиш ҳужжатлари (буйруқ, фармойиш ва бошқалар) билан расмийлаштирилиши керак.
Ҳисоб сиёсатида ўзгаришларнинг оқибатлари субъектнинг бухгалтерия ҳисобини юритишнинг ўзгартирилган усуллари қўлланила бошлаган вақтдаги (ойнинг биринчи кунида) текширилган маълумотлар асосида қиймат жиҳатидан баҳоланиши керак.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 