1. Ходимнинг сафар харажатлари учун ўзи хорижий валютани банк орқали сотиб олгани қонуний харакатми? 2. Ходимдан бўнак ҳисоботини қайси валютада талаб қилишимиз тўғри?

Саволнинг ID си: 6148

Ташкилотимиз ходимни чет элга (Сингапур) га 8 кунга командировкага юборди. Унга бўнак сифатида олдиндан 1 816 АҚШ долларини беришни режалаштирдик. (Кундалик харажатлар норматив 8*45$ ва турар жой учун 8*182$) Ташкилотимиз ходимга ушбу суммани хорижий валютада тўлай олмади, чунки хорижий валюта счетида зарурий маблағлар йўқ эди. Тахминий хисоб билан 6 000 000 сўм маблағни ходимнинг пластик картасига ўтказиб бердик. Ходим сафар харажатларининг бир қисмини (Хорижга чиқиш-келишни рўйхатдан ўтказиш ва парвоз вақтида хаётни суғурталаш) сўмда амалга оширди. Сафар харажатларининг қолган қисмини Сингапурда АҚШ долларида амалга оширди.