Иш ўқиш вақтидан бўш пайтда бажарилиши керак деганда раҳбарингиз ҳақ. Сиз билан ўриндош каби меҳнат шартномаси тузиш масаласида эса у хато қилаяпти, чунки ўқув юрти сиз учун асосий иш жойи ҳисобланмайди.
Шунинг учун сизнинг ҳолатингизда меҳнат шартномасини ўриндошликдан тўлиқсиз иш вақтига қайта тузиш зарур ва у сиз учун асосий иш жойи бўлади. Агар сиз корхонада 5 кундан ортиқ ишлаган бўлсангиз иш берувчи меҳнат дафтарчасини тутиши шарт (МКнинг 81-моддаси иккинчи қисми).
Шу билан бирга эслатиб ўтамизки, тўлиқсиз иш вақти шартида банд бўлган ходимлар меъёрий муддатдаги иш куни ўрнатилган ходимлар учун ўрнатилган худди шу меҳнат ҳуқуқларидан фойдаланадилар (йиллик асосий таътил муддатида, меҳнат стажини ҳисоблаб чиқаришда) бироқ ҳақ тўлаш ишланган вақтга ёки ишлаб чиқарилган маҳсулотга мутаносиб равишда амалга оширилади (МКнинг 119-моддаси иккинчи қисми).
Жавоблар улар эълон қилинган санада долзарб ҳисобланади.