Ҳа, аудиторлик текширув хулосаси тўғри. қурилиш-монтаж ташкилотлари учун ялпи тушум ЯСТ солиғига тортиладиган объект ҳисобланади (Солиқ кодексининг 355-моддаси). Ялпи тушум таркибига ўз кучлари билан бажарилган қурилиш-монтаж ишларини реализация қилишдан тушган тушум киритилади (Солиқ кодексининг 355-моддаси 1-банди 2-қисми).
Қурилиш, қурилиш-монтаж, таъмирлаш-қурилиш, ишга тушириш-созлаш, лойиҳа-қидирув ва илмий ишлар (хизматлар) бўйича, шунингдек объектларни фойдаланишга тайёр қилиб қуриш чоғида шартномавий баҳолардан келиб чиқиб ҳақ тўлаш учун ҳисоб-китоб ҳужжатлари тақдим этилган, буюртмачилар томонидан бажарилган (кўрсатилган) ва тасдиқланган ишларнинг (хизматларнинг) қўшилган қиймат солиғи киритилмаган қиймати даромадга киритилади (Солиқ кодексининг 130-моддаси 10-қисми).
Республика комиссиясининг “Объектлар қурилишида бирламчи ҳисоб шакли "Бажарилган ишлар (қилинган харажатлар) тўғрисида маълумотнома-ҳисобварақ-фактура"ни тўлдириш бўйича Кўрсатмалар”ига мувофиқ "Маълумотнома-ҳисобварақ-фактура" буюртмачи, қурилиш пудрат ва хўжалик юритиш (мулкчилик) шакллари ҳамда молиялаш манбаларидан қатъи назар қурилиш соҳасида фаолият юритаётган бошқа ташкилотлар томонидан расмийлаштирилади. "Маълумотнома-ҳисобварақ-фактура" буюртмачининг пудратчи қурилиш ташкилотларига (бош пудратчи, ёрдамчи пудратчига) қурилиш-монтаж ишларининг бажарилган ҳажмлари учун ҳақ тўлаши, шунингдек уларни статистика ҳисоботида белгиланган шаклларда акс эттириши учун асос ҳисобланади. "Маълумотнома-ҳисобварақ-фактура" пудратчи (ёрдамчи пудратчига) қурилиш ташкилоти томонидан бажарилган қурилиш-монтаж ишлари ҳажмларини физик ва қиймат кўрсаткичларида акс эттириб, тузилган шартнома (конт-ракт) шартларида қайд этилган ишларнинг босқичлари ва турлари бўйича тақсимлайди. "Маълумотнома-ҳисобварақ-фактура" пудратчи қурилиш ташкилоти томонидан ҳисобот ойининг 27-кунига қадар тўлдирилади ва бажарилган ишлар ҳажмларини расмийлаштириш ҳамда тасдиқлатиш учун буюртмачига берилади (Қурилиш соҳасида ислоҳотларнинг амалга оширилиши ва фаолиятни лицензиялаш мониторинги бўйича Республика комиссиясининг 02.02.2009 й. 1-сон баённомасига 2-Илованинг 2-4 бандлари).
Юқоридагилардан келиб чиқиб, 2015 йилнинг ҳисоботларида 2015 йил давомида бажарилган қурилиш-монтаж ишлари ҳажмларининг уларни қурилиш давомида қайта ҳисоб-китоб натижалари билан расмийлаштирилиши келишилганлиги сабабидан кўрсатилмаганлиги республиканинг жорий норматив қонуний акт талаблари бузилиши сифатида баҳоланади, ва мос равишда сизнинг фаолиятингизни текшириш жараёнида 2015 йил учун ЯСТни қўшимча ҳисоблашга олиб келади.
Жавоблар улар эълон қилинган санада долзарб ҳисобланади.