Ўз ҳисобидан бошқа жисмоний шахсларнинг солиғини тўлаётган директорда ҳеч қандай солиқ оқибатлари юзага келмайди. Ўз иш ҳақини олган жисмоний шахс ундан ўз ҳоҳишига кўра фойдаланади. Солиқ кодексининг 179 – моддаси 15 – бандига мувофиқ жисмоний шахслардан совғага ёки текинга олинган пул ёки натура шаклидаги даромадлар солиққа тортилмайди. Шу тариқа, олувчи жисмоний шахсда ҳам ҳеч қандай солиқ мажбуриятлари юзага келмайди. Ушбу жараён икки жисмоний шахс ўртасидаги муносабатдан иборат бўлгани учун корхона томонидан ҳеч қандай ҳужжатлар расмийлаштирилмайди.

Агар пул маблағлари корхонанинг ҳисобрақамидан тўланган бўлиб, кейин директорнинг иш ҳақидан ушлаб қолинадиган бўлса, унда директорнинг бунга рухсатини буйруқ ёки қарор билан расмийлаштириб қўйиш керак бўлади.