Бизнинг саволимизга ДСҚ шуни маълум қилдики, ноозиқ-овқат истеъмол товарларини ишлаб чиқаришга ихтисослашган корхоналарга имтиёзлар ариза тақдим этилган пайтдан бошлаб, аммо корхона белгиланган шартларга жавоб берган бутун солиқ даврига татбиқ этилади.
ЯСТ имтиёзларини татбиқ этиш тартиби “Ноозиқ-овқат истеъмол товарларини ишлаб чиқаришга ихтисослашган корхоналар томонидан солиқ ва божхона имтиёзларини қўллаш тартиби тўғрисида Низом” (АВ томонидан 31.03.2009 й. 1932-сон билан рўйхатга олинган) билан белгиланган.
Ушбу имтиёздан 2016 йил бошидан фойдаланиш учун бир нечта шартларга амал қилиш керак бўлади:
- Корхонангиз 2016йил бошидан Рўйхатга (28.01.2009й. ПҚ-1050-сон Қарорга Илова) мувофиқ ноозиқ-овқат истеъмол товарларини ишлаб чиқаришга ихтисослашган корхоналарга кириши керак, яъни ҳисобот даври (чорак) якунига кўра ушбу товарларни сотишдан тушган тушум улуши умумий реализация ҳажмининг 60%дан кам бўлмаслиги керак (28.01.2009й. ПҚ-1050-сон Қарор).
- ДСХОга аризани солиқ даври тугамасидан, яъни 2016 йил 31 декабрга қадар тақдим этиш керак.
Шу тариқа, агар корхонангиз 2016 йил бошидан Рўйхатга мувофиқ ноозиқ-овқат истеъмол товарларини ишлаб чиқаришга ихтисослашган корхоналарга кирса, ДСХОга солиқ даври тугамасидан ариза топширган ҳолда имтиёзни 2016 йил бошидан татбиқ этишингиз мумкин.
Жавоблар улар эълон қилинган санада долзарб ҳисобланади.