Ҳа, тўғри.
Озиқ-овқат қиймати компенсация тўлови сифатида қаралади (СК 174-моддаси 13-банди). Таътилга қўшимча ҳақлар, жумладан моддий ёрдам ва байрам муносабатлари билан бериладиган мукофотлар эса рағбатлантириш хусусиятига эга тўловлардир (СК 173-моддаси 4 ва 7-бандлари). Компенсация тўловлари ҳам, рағбатлантириш хусусиятига эга тўловлар ҳам меҳнатга ҳақ тўлаш тарзидаги даромадлар деб эътироф этилади (СК 172-моддаси) ва ЖШДС, ЯИТ, суғурта бадалларига умумбелгиланган тартибда тортилади. Ушбу пул тўловлари бўйича Солиқ кодексида имтиёзлар белгиланмаган.
Лекин, ходимларни байрам муносабати билан моддий рағбатлантириш натура шаклида совғалар бериш орқали амалга оширилса, солиқ даври – календарь йили мобайнида ЭКИҲнинг 6 баравари миқдоригача бўлган қийматига ЖШДС солинмайди (СК 179-моддаси 14-банди), ҳамда моддий наф тарзидаги даромад бўлгани учун (СК 177-моддаси 2-банди) ЯИТ ва суғурта бадалларига ҳам тортилмайди (СК 306-моддаси).
Жавоблар улар эълон қилинган санада долзарб ҳисобланади.