1. ШЖБПҲга мажбурий бадаллар тўланмаганлиги учун жарима чоралари қўлланилмайди. Чунки жарима солиқ ва бошқа тўловлардан атайлаб бўйин товлаганда қўлланилади.

Солиқлар ва бошқа мажбурий тўловларни тўлаш бўйича бажарилмаган мажбуриятлари бўлган солиқ тўловчи ўзининг банк ҳисобварағида пул маблағлари мавжуд бўлишидан қатъи назар, солиқлар ва бошқа мажбурий тўловларни ушбу Кодексда белгиланган тўлаш муддатидан кечиктирмай уларни хизмат кўрсатаётган банкка тўлаш учун тўлов топшириқномасини тақдим этиши шарт (СК 59-моддаси).

Солиқлар ва бошқа мажбурий тўловлар тўлашдан қасддан бўйин товлаш  мансабдор шахсларга жарима солишга сабаб бўлади (МЖтК 174-моддаси).

Корхона ШЖБПҲ мажбурий бадаллар суммасига белгиланган муддатларда банкка тўлов талабномасини (картотека-2) тақдим этган. Бу корхона мансабдор шахсларининг уларни тўлашдан бўйин товламаганликларини исботлайди.

Шундан келиб чиқиб, ШЖБПҲ мажбурий бадаллар тўланмаганлиги учун жарима чоралари қўлланилмайди.

2. Ҳар бир иш берувчи ҳисобот ойидан кейинги ойининг 15-кунигача ҳар ойда шахсий жамғариб бориладиган пенсия тизимида иштирок этаётган ходимлар реестрини жамғариб бориладиган пенсия тизими ягона маълумотлар электрон базаси форматида электрон ҳужжат сифатида шакллантириши Халқ банки филиалига электрон манбаларда тақдим этиши ёки уни Интерактив давлат хизматлари ягона порталидаги шахсий "тадбиркорлик субъекти кабинети" орқали бевосита жамғариб бориладиган пенсия тизими ягона маълумотлар электрон базасига юбориши шарт (ВМҚ 21.12.2007й. 595-сон 1-Илова 16-банди).

Электрон реестрни Ягона базага олдиндан тўлов суммасисиз киритишнинг имкони йўқлигини ҳисобга олиб, Халқ банкига реестрни электрон манбаларда (масалан, флешкаларда) банк муҳри туширилган тўлов талабномасининг нусхасини илова қилган ҳолда топширишни маслаҳат берамиз.

Реестр ўз вақтида тақдим этилмаган ҳолларда банс солиқ органларини тегишли чоралар кўрилиши учун бу ҳақида огоҳлантириши мумкин.

Солиқларни, бошқа мажбурий тўловларни ҳисоблаб чиқариш ва тўлаш учун зарур бўлган солиқ ҳисоботларини, ҳисоб-китобларини ҳамда бошқа ҳужжатларни ўз вақтида тақдим этмаслик энг кам иш ҳақининг 1 бараваридан 3 бараваригача миқдорда жарима солишга сабаб бўлади.

Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, энг кам иш ҳақининг 3 бараваридан 10 бараваригача миқдорда жарима солишга сабаб бўлади (МЖтК 175-моддаси).