1. Ҳа, корхона ходимларга бепул берилган нон қийматини ўз харажатига олиб бориши керак. Ходимларга текинга берилган товарлар қиймати бошва операцион харажатлар таркибиги киритилади (05.02.1999й. 54-сон ВМҚга Илованинг 2.3.8.7.-банди).

2. Солиқ оқибатлари

Солиқларни ҳисоблаб чиқариш мақсадида беғараз берилган товарлар қиймати товарларни реализация қилишдан олинган тушум таркибига киритилади (СК 22-моддаси).

ЯСТ тўловчиларида товарларни реализация қилишдан олинган тушум ЯСТ бўйича солиққа тортилувчи базага киритилади (СК 355-моддаси).

Умумбелгиланган солиқ тўловчилари учун реализация қилишдан олинган тушум фойда солиғини ҳисоблаш мақсадида ялпи даромад таркибига киритилади (СК 129-моддаси), шунингдек бюджетдан ташқари жамғармаларга мажбурий ажратмалар бўйича солиққа тортилувчи базага киритилади.

 Ходимларга текинга берилган мулк қиймати уларнинг моддий наф тарзидаги даромади таркибига киритилиб, ЖШДСга тортилади (СК 177-моддаси 2-банди), аммо ЯИТ ва суғурта бадалларига тортилмайди.

Аммо, нон маҳсулоти ходимларга тушлик вақтида берилиши ва озиқ-овқат маҳсулоти эканлигини инобатга олиб, унинг қиймати ЖШДС, ЯИТ ва суғурта бадалларига тортилувчи компенсация ҳисобланган озиқ-овқат қиймати сифатида қаралиши мумкин (СК 174-моддаси 13-банди).

Эслатиб ўтиш керакки, иш ҳақини натура шаклида тўлаш қонунчилик билан таъқиқланган (19.03.2002 й. 88-сонли ВМҚ 1-банди). Шунинг учун, ходимларга нон маҳсулотларини “иш ҳақи” солиқларидан тежаш мақсадида берилишини маслаҳат бермаймиз. Улар фақат иш ҳақи тарзида эмас, балки иш ҳақига қўшимча тарзда берилиши мумкин.