Ҳа, ўриндошга қишлоқ хўжалиги маҳсулотлари учун ажратилган моддий ёрдам ЖШДСга тортилади, айни пайтда солиқ суммаси тўлов манбаида ушлаб қолинади (СК 186-моддаси).
Агар асосий бўлмаган иш жойидан даромад олаётган жисмоний шахс бухгалтерияга ЖШДС энг юқори ставкаси бўйича ушлаб қолиш тўғрисида ариза берса, даромад тўлаётган корхона уни имтиёзларни қўлламаган ҳолда энг юқори ставка бўйича ушлаб қолади.
Корхона ЖШДС ходимнинг декларация асосида мустақил равишда тўлаши ҳақидаги аризасидан қатъий назар солиқни ушлаб қолиши ва тўлаши керак. Чунки корхона – солиқ агенти солиқни тўғри ушлаб қолиниши ва ўз вақтида бюджетга тўланиши учун жавобгардир.
Жисмоний шахс корхона билан меҳнат алоқаларида бўлмаса, ва айни пайтда СК 177-моддасида кўрсатилган моддий наф тарзидаги даромад олса, корхона унинг аризаси асосида ЖШДСни ушлаб қолмаслиги мумкин бўлади (СК 184-моддаси).
Жавоблар улар эълон қилинган санада долзарб ҳисобланади.