ҚҚС ҳисоб-китобига 7-илованинг “Етказиб бериш қиймати (ҚҚСсиз)” номли устунида товарларни импорт қилишда ҚҚС бўйича солиққа тортиладиган база кўрсатилади.

Импорт қилинган товарлар бўйича солиқ солинадиган база божхона қиймати асосида аниқланади. Товар импорт қилинганда ҚҚС бўйича солиқ солинадиган базага товарнинг божхона қиймати, божхона божи, шунингдек акциз тўланадиган товарлар бўйича акциз солиғи киритилади (СК 206-моддаси).

Шу тарзда ҳисоблаб чиқарилган база ҚҚС ҳисоб-китобига 7-илова “Харид қилинган товарлар (ишлар, хизматлар) бўйича ҳисобварақ-фактуралар (ҳисобварақ-фактура ўрнини босадиган ҳужжатлар) реестри”нинг “Етказиб бериш қиймати (ҚҚСсиз)” номли 6-устунида кўрсатилади.

6-устунда йиғилган ҚҚС суммаси ҳисобга олиниши мумкин бўлган товарлар (ишлар, хизматлар) якуний суммаси 1-илова “Ҳисобга олинадиган ҚҚС ҳисоб-китоби учун фойдаланиладиган олинган товарлар (ишлар, хизматлар) бўйича ҚҚС суммаси”нинг 3-устун 10-сатрига ўтказилади.