1.Бундан аввал ID 7297-сонли саволга берилган жавобда кўрсатилганидек солиқ текшируви натижасида камайтиришга ҳисобланган мажбурий суғурта бадаллари бухгалтерия ҳисобида қуйидаги проводкалар билан акс эттирилади:

- пенсия жамғармасига ортиқча тўланган мажбурий суғурта бадаллари 4520 счётининг дебетида бўнак тўловлари сифатида ва 6710 счётининг кредитида меҳнат ҳақи бўйича ходимлар олдида бўлган қарз сифатида акс эттирилади;

- ортиқча ушлаб қолинган мажбурий суғурта бадаллари суммасини ходимларга қайтариб беришни имкони бўлмаса, улар 6710 счётидан 6990 бошқа мажбуриятлар ҳисоби юритиладиган счётига олиб борилади;  

- даъво муддати ўтганидан сўнг ходимлар олдида бўлган қарздорликлар 6990 счётидан ҳисобдан чиқарилади ва 9360 кредитор ва депонент қарзларни ҳисобдан чиқаришдан даромадлар счётида акс эттирилади.

Текширишда аниқланган олдинги даврлар учун ЯИТ бўйича ортиқча тўловлар бухгалтерия ҳисобида 4520 «Мақсадли давлат жамғармаларига бўнак тўловлари» счётнинг дебетида 8710 «Ҳисобот даврининг тақсимланмаган фойдаси (қопланмаган зарари)» счётнинг кредити билан боғланган ҳолда акс эттирилади.

2. Ходим билан меҳнат шартномаси бекор қилинган бўлса ҳам ушбу ходим олдида меҳнат ҳақи бўйича бўлган қарзларни тўлаб беришни таъминлашингиз зарур. Чунки ходимнинг меҳнат ҳақидан ортиқча ушлаб қолинган тўловлар ушбу ходимга тўлиқ тўлаб берилмаган меҳнат ҳақи ҳисобланади. Хўжалик юритувчи субъектларнинг раҳбарлари иш ҳақининг ўз вақтида тўланишини таъминлаш ва ушбу мақсадлар учун назарда тутилган маблағлардан мақсадли фойдаланилиши учун шахсан жавоб берадилар (ВМнинг 17.11.1999й. 504-сонли қарори 1-банди).

Агар объектив сабабларга кўра ходимлар олдида бўлган қарзларни қайтариб беришни имкони бўлмаса ушбу қарздорлик суммасини фақат даъво муддати ўтганидан сўнг ҳисобдан чиқаришингиз мумкин. Чунки фуқаролик қонун хужжатларига мувофиқ даъво муддати давомида шахс ўзининг бузилган ҳуқуқини даъво қўзғатиш йўли билан ҳимоя қилиши мумкин. Умумий даъво муддати уч йилни ташкил этади (ФКнинг 150-мод.).

Қарздорликни муддатдан аввал сиз фақат ходимнинг ёзма аризасига мувофиқ ҳисобдан чиқаширингиз мумкин. Ходим ўз аризасида унга тегишли бўлган қарздорлик суммасидан вос кечиб, корхона фойдасига ўтказиб беришга розилиги ҳақида кўрсатади.

3. Ҳисобдан чиқарилган мажбуриятлар юридик шахснинг бошқа даромадлари сифатида (СКнинг 132-мод.) фойда солиғи тўловчилари учун жами даромаднинг таркибига олинади (СКнинг 129-мод.), ЯСТ тўловчилари эса ялпи тушум таркибига қўшилади (СКнинг 355-мод. 2-қисм 2-банд) ва солиққа тортилади.

4. ДСИдан пенсия жамғармасига мажбурий ажратмалар бўйича ортиқча тўловлар корхона ҳисоб рақамига қайтарилмаса улар 4520 «Мақсадли давлат жамғармаларига бўнак тўловлари» счётида акс эттирилади ва келгуси давр тўловлари ҳисобига олинади. Улар 9360 счётига ўтказилмайди.