Тайёр маҳсулотни ишлаб чиқариш бухгалтерияда қай тартибда акс эттирилса, уни форматини ўзгартириб қайта тайёрлаш ҳам худди шундай тартибда акс эттирилади. Бунда қайта ишланган тайёр маҳсулот таннархи Низомда (ВМ 05.02.1999 й. 54-сон Қарорига илова) белгиланган тартибда шаклланади.
Ишлаб чиқариш жараёнида брак маҳсулот деб белгиланган стандартларга ёки техник шартларга жавоб бермайдиган, камчиликлари сабабли ўз мақсадида ишлатила олмайдиган маҳсулотлар брак маҳсулот ҳисобланади. Брак маҳсулотни қисман яроқли ёки бутунлай яроқсизга ажратиш зарур. Қисман яроқли маҳсулот ишлов берилгач ишлаб чиқаришда фойдаланиши мумкин бўлса, уларнинг ҳисоби 2610 «Ишлаб чиқаришдаги яроқсиз маҳсулотлар» счетда юритилади. Яроқсиз брак маҳсулот ишлов бериш мақсадга мувофиқ бўлмаганда ёки бу билан уни яроқли ҳолатга келтириб бўлмаслиги сабабли фойдаланиб бўлмайди. Бундай брак қиймати ишлаб чиқарилган маҳсулот таннархига киритилиши зарур. Шунинг учун брак қийматини 2010 «Асосий ишлаб чиқариш» счет ҳисобини юритишда ажратиб кўрсатиш керак эмас.
Хўжалик операциясининг мазмуни | Счетлар корреспонденцияси | |
Дебет | Кредит | |
Тайёр маҳсулот омбордан қайта ишлаш учун цехга топширилди | 2010 «Асосий ишлаб чиқариш» | 2810 «Омбордаги тайёр маҳсулотлар» |
Маҳсулотни қайта ишлаш учун қўшимча харажатлар амалга оширилди | 2010 «Асосий ишлаб чиқариш» | 1000 «Материалларни ҳисобга олувчи счетлар» 6710 «Меҳнат ҳақи бўйича ходим билан ҳисоблашишлар» 6510 «Суғурта бўйича тўловлар» Ва бошқа харажатлар |
Асосий ишлаб чиқаришда аниқланган тузатиб бўлмайдиган яроқсиз маҳсулотдан кўрилган йўқотишларнинг ҳисобдан чиқарилди | 2610 «Ишлаб чиқаришдаги яроқсиз маҳсулотлар» | 2010 «Асосий ишлаб чиқариш» |
Яроқсиз маҳсулотни тузатишдан қолган ва якуний яроқсиз маҳсулотларни ҳисобдан чиқаришдан олинган моддий қийматликларнинг (фойдаланиш мумкин бўлган баҳосида) кирим қилинади | 1000 «Материалларни ҳисобга олувчи счетлар» | 2610 «Ишлаб чиқаришдаги яроқсиз маҳсулотлар» |
Тикланмайдиган яроқсиз маҳсулотлар зарарга ҳисобдан чиқарилди | 9430 «Бошқа операцион харажатлар» | 2610 «Ишлаб чиқаришдаги яроқсиз маҳсулотлар» |
Жавоблар улар эълон қилинган санада долзарб ҳисобланади.
Телеграм канали 