Саволнинг ID си: 9264
Ходим 2017 йил январ ойининг бошида янги ишга қабул қилинган бўлиб, шу йилнинг 31-мартидан 25 августигача касал бўлганлиги сабабли ишга келмади ва шу даврлар учун бухгалтерияга касаллик варақаси тақдим этиб келмоқда.
Унинг мансаб маоши 540 987 сўм бўлиб шу кунгача ўзгармаган. 2017 йил январ-март ойлари учун мансаб маошидан ташкари суғурта бадаллари хисобланган тўловлар (иссиқ овқат учун компенсация) суммаси 713000 сўмни ташкил этади.
Нафақанинг иш ҳақига фоизлардаги миқдори 80%. Жадвалга асосан апрелда 20 кун, майда 22 кун, июнда 21 кун, июлда 21 кун, августда 23 кун иш куни белгиланган. Касаллиги туфайли ходимни ишламаган кунлари апрелда 20 кун, майда 22 кун, июнда 21 кун, июлда 21 кун, августда 19 кунни ташкил этган.
Касаллик бўйича нафақа суммаси қандай хисобланади?
Экспертларнинг жавоблари:
Касаллик нафақасини ҳисоблаш ВМнинг 11.03.1997й. 133-сон Қарори 6-иловасида белгиланган тартибда амалга оширилади. Ходим касаллик бўйича нафақа ҳисоблаш тартиби ушбу жавобда батафсил келтирилган: http://kadrovik.uz/question/8293
Белгиланган тартибга кўра сиз келтирган маълумотлар асосида нафақа учун ўртача иш ҳақини ҳисобласак, у 600 403,7 (540987+713000/12) сўмга тенг.
Ходимга нафақа ўртача иш ҳақининг 80% миқдорида тўланишини назарда тутсак, тўлиқ бир ойлик касаллик бўйича нафақа пули, ойдаги иш кунлари сонидан қатъий назар, 480 322, 9 (600 403,7 х 80%) сўмга тенг.
Ушбу суммадан тегишли тартибда ЖШДС ушлаб қолинади, у иш ҳақи тарзидаги даромад бўлмаганлиги сабабли суғурта бадаллари ҳамда ЯИТга тортилмайди.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 