Ҳа, шартномада имтиёз берилган норматив ҳужжатни кўрсатган ҳолда ҚҚС тўловчилари нархларни ҚҚСсиз кўрсатиши мумкин.
Дарҳақиқат, 22.11.2016й. ПҚ-2660-сон Президент Қарорининг 17-бандига мувофиқ бир қанча солиқ имтиёзлари белгиланган.
Улардан бири, ушбу Фармон дастури доирасида қурилаётган кўп қаватли уйларнинг қурилишида ишлар ва хизматларни амалга оширувчи корхоналар ҳамда уларга қурилиш молларини сотаётган ишлаб чиқарувчилар қўшилган қиймат солиғидан озод қилинишидир. Ушбу имтиёзни асос сифатида шартномада кўрсатган ҳолда, ҚҚС тўловчиси бўлган ва дастур доирасида имтиёзни қўллаётган корхоналар қурилиш молларининг нархини ҚҚСсиз деб кўрсатиши тўғри бўлади.
Шунингдек, инобатга олингки, ҚҚС тўлашдан озод қилинган оборотни амалга ошираётган юридик шахслар ҳисобварақ-фактурада ҚҚС суммасини кўрсатмайдилар ҳамда "ҚҚСсиз" деган штамп босади (ёзиб қўяди) (СКнинг 222-моддаси).
Жавоблар улар эълон қилинган санада долзарб ҳисобланади.